A po i jepet fund lidhjes së DJ PM dhe Sarah Berishës?
Kohët e fundit, dyshimet për një ftohje në romancën midis DJ PM dhe Sarah Berishës
janë intensifikuar, veçanërisht pasi fansat vunë re se ata kanë ndërprerë
ndjekjen e njëri-tjetrit në rrjetin social Instagram.
Duke u ndodhur në qendër të thashethemeve, DJ PM zgjodhi të ndante një mendim që publiku e lexoi si një mesazh të fshehtë rreth jetës së tij private. Përmes disa shkrepjeve nga angazhimet e tij muzikore, ai shtoi mbishkrimin: “Edhe mungesa e një përgjigjeje është përgjigje”.
Edhe pse në këtë publikim nuk u përmend emri i Sarah Berishës dhe nuk u sqarua asnjë detaj specifik, ndjekësit nuk vonuan ta lidhnin këtë gjest me një problematikë të mundshme në marrëdhënien e tyre.
Edhe pse në të shkuarën dyshja është gjendur shpesh nën presionin e thashethemeve për ndarje, ata çdo herë i kanë hedhur poshtë ato duke u treguar publikut se janë bashkë ose përmes deklaratave sqaruese. Kësaj radhe, pikëpyetjet janë shtuar pasi ata kanë hequr ndjekjen ndaj njëri-tjetrit.
Për më tepër, pjesëmarrja e Sarah Berishës e vetme në Sunny Hill Festival ka përforcuar dyshimet e fansave për një krisje të lidhjes. Gjithsesi, deri në këtë moment, asnjëri prej të dyve nuk ka dalë me një konfirmim zyrtar lidhur me gjendjen e marrëdhënies së tyre.
